U suviazi z udziełam u samitach ŠAS i BRIKS va Ufie Alaksandr Łukašenka pierapyniŭ tradycyju asabista adkryvać Mižnarodny fiestyval mastactvaŭ «Słavianski bazar u Viciebsku» i zapisaŭ videapryvitańnie.

«Amal čverć stahodździa hetaje śviata źbiraje artystaŭ i pakłońnikaŭ u našaj kulturnaj stalicy, — adznačyŭ biełaruski kiraŭnik. — Dla jaho my abrali cudoŭny deviz «Praz mastactva — da miru i parazumieńnia». Jon akazaŭsia nadzvyčaj aktualnym i ŭ našy dni. Siońnia Biełaruś pa pravu stała placoŭkaj dla mirnych inicyjatyŭ, pravadnikom idej dobrasusiedstva i supracoŭnictva. Heta tyčycca nie tolki źniešniaj palityki, ale i duchoŭnaj śfiery. Bo mastactva abjadnoŭvaje ludziej, nie viedajučy miežaŭ, źjaŭlajučysia efiektyŭnaj formaj narodnaj dypłamatyi».

Pavodle słoŭ Łukašenki, kali ŭ 1992 hodzie ŭ «Słavianskim bazary» ŭdzielničała vosiem krain, to ciapier sabralisia pradstaŭniki bolš čym 40 dziaržaŭ ź Jeŭropy, Azii, Paŭnočnaj i Paŭdniovaj Amieryki. «Heta rekordnaja kolkaść krain-udzielnic za ŭsiu jaho historyju. Nazva «Słavianski bazar» stała zrazumiełaja bieź pierakładu ŭ lubym kutku Ziamli», — ličyć aficyjny lidar.

Sioleta ŭ fiestyvali ŭdzielničajuć 42 krainy. Centralnaj padziejaj «Słavianskaha bazaru» tradycyjna stanie mižnarodny konkurs vykanaŭcaŭ estradnaj pieśni, na jakim Biełaruś pradstavić salistka Nacyjanalnaha akademičnaha arkiestra simfaničnaj i estradnaj muzyki Valeryja Hrybusava. Zhodna ź losavańniem u paŭfinale konkursu 10 lipienia pradstaŭnica Biełarusi vystupić apošniaj, pad numaram 21. Jana vykanaje pieśniu «Śpi, mały sakoł» (muzyka Ramana Kozyrava na słovy Janki Łučyny).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?