U Minsku supracoŭniki narkakantrolu Partyzanskaha RUUS stalicy razam sa śpiecpadraździaleńniem «Ałmaz» šturmavali kvateru na vulicy Žudro.
Jak paviedamlaje pres-słužba minskaj milicyi, pravaachoŭnikam pastupiła infarmacyja, što małady čałaviek, jaki pražyvaje ŭ hetaj kvatery, raspaŭsiudžvaje marychuanu.
Zbytčykam vyjaviŭsia 26-hadovy ŭradženiec Oršy. U Minsku jon pracavaŭ prahramistam na adnoj firmie, kvateru arandavaŭ. Małady čałaviek nie tolki pradavaŭ marychuanu, ale i sam spažyvaŭ svoj tavar.
Padčas ahladu kvatery ŭ jaho kanfiskavali 50 hramaŭ marychuany, rasfasavanaj i pryznačanaj dla prodažu.
Maładomu čałavieku pahražaje da 13 hadoŭ pazbaŭleńnia voli. Jaho zatrymali i źmiaścili ŭ izalatar časovaha ŭtrymańnia.