Kiortys Džejms Džeksan III, bolš viadomy jak repier 50 Cent, padaŭ zajavu na pryznańnie bankrutam, paviedamlaje The Wall Street Journal.
hollywoodtake.com
U dakumientach, padadzienych u sud ZŠA pa bankructvach u Chartfardzie, štat Kanektykut, 50 Cent paviedamiŭ pra daŭhi pamieram da $50 młn. Adnak, pa słovach jahonaha advakata, rašeńnie ab bankructvie moža być pryniataje nie adrazu.
Cikavaj detallu źjaŭlajecca toje, što 50 Cent padaŭ dakumienty na pryznańnie siabie bankrutam na nastupny dzień paśla taho, jak sud pryznačyŭ jamu vypłatu štrafu ŭ pamiery $5 młn. Hrošy pavinny być vypłačanyja na karyść Łastonii Levistan, jakaja padała ŭ sud na viadomaha repiera za toje, što jon vykłaŭ u sieciva videazapis jaje seksualnych scen ź jaje bojfrendam.
Jak śćviardžaje sud, 50 Cent zavałodaŭ videamateryjałam, dadaŭ da jaho svaje žorstkija kamientary, a paśla apublikavaŭ u internecie. Sprava była raspačataja jašče ŭ 2009 hodzie, ale ciahnułasia ažno 6 hadoŭ. Łastonija Levistan źjaŭlajecca maci dziciaci jašče adnaho viadomaha amierykanskaha repiera – Ryka Rosa.