Mabilny apieratar «MTS» pa techničnych pryčynach pieranosić terminy ŭviadzieńnia adzinaha taryfu na zvanki va ŭsie sietki. Pra heta havorycca na sajcie kampanii.
Raniej płanavałasia ŭkaranić pasłuhu z 16 lipienia. Novyja terminy pakul nie paviedamlajucca.
Jak paviedamlałasia, novaja pasłuha praduhledžvaje ŭviadzieńnie adzinaj cany na zvanki ŭnutry sietki i na numary inšych apierataraŭ. «Heta likviduje ŭmoŭnaje dzialeńnie na svaje i čužyja sietki, jakoje skłałasia za doŭhija hady, paspryjaje tamu, što mabilnaja suviaź u našaj krainie stanie jašče bolš dastupnaja, a taksama istotna ŭzmocnić kankurencyju siarod mabilnych kampanij. Dziejańni apieratara źjaŭlajucca adkazam na zapyty i patrebnaści abanientaŭ», — tłumačyli ŭ «MTS».
Adziny taryf nie raspaŭsiudžvajecca na mižnarodnyja vykliki i zvanki na karotkija numary.