Novym kiraŭnikom pradstaŭnictva Jeŭrasajuza ŭ Minsku stanie niamiecki dypłamat Andrea Viktaryn, jakaja pracavała ŭ pačatku 2000-ch hadoŭ u Biełarusi. Pra heta zajaviła ciapierašniaja kiraŭnik jeŭrapiejskaj misii Majra Mora.
«Ahreman (zhodu na jaje pryznačeńnie) atrymany. Heta niamiecki dypłamat, jakaja ciapier źjaŭlajecca pasłom Hiermanii ŭ Łatvii», — adkazała Mora.
Pa słovach dypłamata, jaje čatyrochhadovy termin słužby ŭ Biełarusi padychodzić da kanca 31 žniŭnia. Takim čynam, možna čakać prybyćcia novaj kiraŭnika pradstaŭnictva ŭ vieraśni.
Andrea Viktaryn naradziłasia ŭ Bonie ŭ 1957 hodzie. U 1989 hodzie jana pastupiła na dypłamatyčnuju słužbu ŭ MZS. Pracavała ŭ pasolstvach Hiermanii ŭ Estonii, Niderłandach. Z 2000 pa 2003 hod była daradcam pasolstva FRH u Biełarusi, zatym viarnułasia na radzimu — pracavać u palityčnym departamiencie niamieckaha MZS.
Z 2007 pa 2009 hod Viktaryn była pasłom FRH u Armienii, z 2012 hoda pa siońniašni dzień zajmaje pasadu niamieckaha pasła ŭ Łatvii.
