Źmianić horad, atrymać viadomaść i vyjhrać pryz – usio heta moža zrabić kožny minčuk. 15 lipienia startavaŭ pieršy letni realici-konkurs haradskich prajektaŭ #RazamMinsk. Udzielničać u konkursie mohuć prajekty, nakiravanyja na palapšeńnie haradskoha sacyjalnaha i kulturnaha asiarodździa stalicy. Pieramožcaŭ čakaje pryzavy fond u $2000.
Arhanizatarami konkursu vystupili hramadskaja niekamiercyjnaja płatforma Talaka.by, kampanija velcom i internet-partał Onliner.by.
Da ŭdziełu ŭ realici-konkursie #RazamMinsk zaprašajucca aktyŭnyja minčuki, jakija chočuć raźvivać svoj horad i palapšać žyćcio jaho žycharoŭ u roznych śfierach: ekałohija, kultura, adukacyja, muzyka, sport, technałohii, dastupnaść i h.d. Udzielniki zmohuć prajści ŭsie etapy ad prydumvańnia idei da poŭnaj realizacyi prajekta pry padtrymcy kamandy Talaka.by i dapamohi hledačoŭ.
Usie stadyi konkursu buduć štotydniova aśviatlacca na partale Onliner.by u režymie realici-šoŭ. Žurnalisty buduć pilna sačyć za chodam realizacyi prajektaŭ i apisvać budni haradskich hierojaŭ.
U vas jość cikavaja ideja dla Minska? Kab stać udzielnikam realici-konkursu, raźmiaścicie jaje prama zaraz u Inkubatary idej na płatformie Talaka.by. Spačatku vam nieabchodna budzie sabrać kamandu minimum z dvuch čałaviek i atrymać 25 paznakaŭ «Heta važna». Adkryty pryjom idej praciahniecca da 27 lipienia ŭklučna.
Kamandy, jakija za miesiac paśpiachova zavieršać svaje mini prajekty, pazmahajucca za pryzy ŭ niekalkich naminacyjach: «Lepšy haradski prajekt», «Vybar minčukoŭ», śpiecyjalnaja naminacyja Talaka.by «Sacyjalny pradprymalnik». Kampanija velcom, jakaja raźvivaje sučasnuju haradskuju kulturu i dapamahaje dzieciam, u ramkach konkursu zasnavała śpiecyjalnuju naminacyju «Dziciačy horad».
Pieramožcy realici-konkursu #RazamMinsk buduć abvieščany 16 vieraśnia.
Aznajomicca z padrabiaznymi praviłami #RazamMinsk možna na sajcie konkursu.
