Va Ukrainie ŭpieršyniu praviali ekśpiertyzy pa rasšyfroŭcy dadzienych, jakija SBU pieradavała FSB Rasii padčas taho, jak jaje kiraŭnikom byŭ Alaksandr Jakimienka. Pra heta paviedamiŭ na bryfinhu ŭ Kijevie namieśnik hienprakurora, hałoŭny vajenny prakuror Anatol Macijos.
Jany zmahli razam z Kijeŭskim instytutam sudovych ekśpiertyz, Instytutam śpiecyjalnaj techniki i sudovych ekśpiertyz SBU pravieści ŭnikalnyja ekśpiertyzy — rasšyfravać tuju infarmacyju, jakaja za ŭvieś pieryjad Revalucyi hodnaści pieradavałasia ad SBU da FSB Rasijskaj Fiederacyi.
Dziakujučy hetym dadzienym, udałosia dakazać vinu hienierał-majora SBU Uładzimira Bika. Taksama atrymanyja dadzienyja buduć iści jak dokazy ŭ kryminalnych pracesach adnosna inšych byłych kiraŭnikoŭ SBU. Pieradača infarmacyi adbyvałasia z pačatku śniežnia 2013 hoda i vykonvałasia pad niepasrednym kiraŭnictvam i ŭ prysutnaści aficeraŭ FSB.
Macijos taksama adznačyŭ, što vajennaja prakuratura im paviedamiła pra padazreńni, ale hetyja aficery ciapier znachodziacca na terytoryi Rasii. Hetyja dvoje hienierałaŭ FSB znachodzilisia na terytoryi Ukrainy, taksama pražyvali na terytoryi bazy SBU, a rasparadžeńni im davaŭ Uładzimir BIK.
