BiełTA
Biełaruś nie dramatyzuje situacyju z aryjentacyjaj Małdovy na ES. Pra heta zajaviŭ siońnia Alaksandr Łukašenka ŭ Minsku na sustrečy z prezidentam Małdovy Mikałajem Cimafci.
«My nie dramatyzujem situacyju z aryjentacyjaj Małdovy na Jeŭrasajuz, z tym dakumientam, jaki vy padpisali ź Jeŭrapiejskim sajuzam ab asacyjacyi, — skazaŭ biełaruski lidar. — My heta ŭsprymajem jak dadzienaść».
Na dumku Łukašenki, u luboj situacyi varta šukać varyjanty, kab vykarystoŭvać hetuju situacyju dla karyści dźviuch krain.
«My vam udziačnyja, niahledziačy na toje što, moža być, niedzie ŭ jakaści padtrymki svaich sajuźnikaŭ, u jakaści niejkich abiacańniaŭ vy i pavinny byli padtrymlivać Jeŭrasajuz, ZŠA, pry hetym nikoli takoha nie było, kab heta było suprać Biełarusi. My heta vielmi cenim», — skazaŭ biełaruski lidar.
Na jaho dumku, heta śviedčyć ab salidnaści dvuchbakovych adnosinaŭ, pra vysoki ŭzrovień davieru. «Vy možacie być upeŭnieny, što my nikoli Małdovie ničoha drennaha nie rabili i nie zrobim. My budziem tolki raźvivać naša supracoŭnictva tak, kab heta było vyhadna našym narodam», - zapeŭniŭ Łukašenka.