Zakanadaŭčy schod Zabajkalskaha kraja padrychtavaŭ zakonaprajekt, jaki praduhledžvaje pierachod rehijonu ŭ inšy časavy pojas.
U dakumiencie adznačajecca, što ciapierašniaja časavaja zona ŭ Zabajkalli nie adpaviadaje naturalnym bijarytmam čałavieka, u adpaviednaści ź jakimi jon pavinien nie spać u śvietły čas sutak, a spać — u ciomny.
U tłumačalnaj zapiscy da zakonaprajekta adznačajecca, što ciapier śvitanak ŭ Zabajkalli nadychodzić užo ŭ try hadziny nočy, u toj čas jak ciamnieje ŭžo ŭ vosiem viečara. Heta niehatyŭna ŭpłyvaje na zdaroŭje hramadzian, a taksama zmušaje ich tracić bolš elektryčnaści.
Dakumient užo ŭniesieny ŭ Dziarždumu, adnak razhledziać jaho ciapier tolki ŭ vosieńskuju siesiju (ciapier u deputataŭ kanikuły).
Žychary Zabajkalla ŭžo nie pieršy hod vystupajuć za vychad z časavaj zony, u jakoj čas na piać hadzin apiaredžvaje maskoŭski. Na dumku žycharoŭ rehijonu, idealnym byŭ by pierachod u zonu, dzie roźnica ŭ časie z Maskvoj składaje šeść hadzin.
