Fota: 015.by
Vykarystańnie tannych pasłuh padpolnaj kliniki pryviało da traŭmaŭ, raspaviadaje 015.by. UUS Hrodzienskaha harvykankama pačało pravierku pa spravie troch paciarpiełych ad niaŭdałaha pavieličeńnia hub.
Zvyčajna pracedura pavieličeńnia vusnaŭ kaštuje kala 230 dalaraŭ, u pryvatnaha kaśmietołaha Darji z sałona na vulicy Marksa jana kaštavała ad 70 da 180 dalaraŭ. Ale vyniki apieracyi klijentaŭ nie zadavolili — dźvium spatrebicca chirurhičnaja apieracyja.
Jak raspaviała Alena (imia źmienienaje), adna ź niezadavolenych klijentaŭ, pracedura pravodziłasia na barnym kreśle z vykarystańniem šprycoŭ biez upakoŭki. Praz peŭny čas paśla apieracyi na vusnach źjavilisia nieraŭnamiernyja uščylnieńni i treščyny, acioki. Źjavilisia defiekty maŭleńnia, stała ciažej dychać, defarmavałasia nižniaja častka tvaru.
Z padobnymi skarhami ŭ centr charastva i zdaroŭja źviarnulisia jašče dźvie dziaŭčyny. Adnoj ź ich 15 hod — jaje baćki pra praceduru nie viedali, u vyniku dziaŭčynu pakłali ŭ lakarniu dla chirurhičnaj apieracyi. Jašče ŭ adnoj paciarpiełaj atrymałasia adnavić formu vusnaŭ biez dapamohi chirurhaŭ.
Alenie nie dapamahli šeść pracedur adnaŭleńnia ŭ inšych miedcentrach. Daktary, jakija ahladali jaje, śćviardžajuć, što ŭ apieracyi vykarystoŭvaŭsia nie zajaŭleny preparat «Sudžyderm 24»: ad samamasažu z admysłovym kremam vusny mieli b vyraŭniacca. Mahčyma, vykarystoŭvaŭsia zabaronieny ŭ Biełarusi bijapalimier. Praź niavyznačanaść rečyva Alenie admovili ŭ špitalizacyi ŭ abłasnoj lakarni, ale kali i atrymajecca dastać z vusnaŭ nieviadomaje rečyva, spatrebiacca jašče dva hady reabilitacyi.
Kaśmietołah Darja admoviłasia ad kamientaroŭ dy zajaviła, što nie zajmajecca pavieličeńniem vusnaŭ. Leninski RAUS Hrodna pačaŭ pravierku pa spravie, pry najaŭnaści dastatkovych prykmiet złačynstva budzie raspačataja kryminalnaja sprava.
