U Centrvybarkam pastupili dakumienty ab rehistracyi inicyjatyŭnych hrup hramadzian pa zbory podpisaŭ dla vyłučeńnia Žanny Ramanoŭskaj i Iryny Pieršynaj kandydatami ŭ prezidenty Biełarusi, paviedamlaje aficyjny sajt CVK.
«16 lipienia ŭ 17.20 pradstaŭlenyja dakumienty ab rehistracyi inicyjatyŭnaj hrupy hramadzian pa zbory podpisaŭ vybarščykaŭ pa vyłučeńni Ramanoŭskaj Žanny Mikałajeŭny kandydatam u prezidenty. U 17.50 pradstaŭlenyja dakumienty ab rehistracyi inicyjatyŭnaj hrupy pa vyłučeńni Pieršynaj Iryny Michajłaŭny», — infarmuje CVK.
Chto jany, hetyja kandydatki?
* * *
Nastaŭnica Žanna Ramanoŭskaja (Aleksiajuk) žyvie ŭ Breście.
Uciamnaj prahramy jana nie prezientavała, na Ju'Tubie «kandydatka ŭ kandydaty» pramoviła ahulnyja słovy.
U svaim intervju karespandentu «NN» jana nie zdoleła ŭciamna patłumačyć navat kim jana pracuje.
Pieršaje intervju kandydatki ŭ prezidenty: «Kim ja pracuju? Siońnia składany dzień, ja adkažu zaŭtra»
Kiraŭnikom inicyjatyŭnaj hrupy Ramanoŭskaj źjaŭlajecca Jaŭhien Naporka.
* * *
Inšaj kandydatcy, Irynie Pieršynaj 35 hadoŭ. Jana śpiecyjalist pa rekłamie ŭ kampanii Imagemaker, paviedamlajuć naviny.by. Zamužam, haduje syna.
Pieršyna bałatujecca, kab prapijaryć svaju kampaniju Imagemaker. Žančyna choča «atrymać niezabyŭny dośvied palityčnaha pijaru».
Kiraŭnica jaje inicyjatyŭnaj hrupy — Maryja Chramcova.
* * *
Takim čynam (razam z Taćcianaj Karatkievič), u pieradvybarčuju honku ŭklučylisia ŭžo try žančyny.
Usiaho ž dakumienty na rehistracyju ŭ CVK padali dzieviać pretendentaŭ.
17 lipienia — apošni dzień rehistracyi patencyjnych kandydataŭ.
