Rasavijacyja nie zhodnaja z vysnovami hałandskich śledčych ab pryčynach hibieli «Boinha» ŭ Danieckaj vobłaści 17 lipienia 2014, zajaviŭ namieśnik kiraŭnika viedamstva Aleh Starčavy.

U pačatku lipienia hałandski bok pieradaŭ Rasii i inšym zacikaŭlenym krainam prajekt dakładu ab vynikach śledstva.

Na dumku rasijskich śpiecyjalistaŭ, jakija aznajomilisia z papiarednimi vysnovami, rakieta, jakaja źbiła samalot, nie mahła być zapuščana z terytoryi, kantralavanaj uzbrojenymi prychilnikami «DNR» — u hetym vypadku jaje b zasiekli rasijskija radary ŭ Rastovie-na-Donie, zajaviŭ Starčavy.

Jon udakładniŭ, što rakietu, zapuščanuju z padkantrolnaj Kijevu terytoryi, rasijski radar moh i nie zaŭvažyć.

Taksama pradstaŭnik Rasavijacyi paviedamiŭ na pres-kanfierencyi ŭ Maskvie, što ličyć abhruntavanaj i jašče adnu viersiju — pra toje, što «Boinh» byŭ źbity rakietaj typu «pavietra-pavietra».

Pavodle jaho słoŭ, rasijski bok pieradaŭ svaje zaŭvahi hałandskamu boku, adnak nie ŭdakładniŭ, pra jakija mienavita zaŭvahi idzie havorka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?