Budynak aeraporta «Minsk-1» zachavajuć jak historyka-kulturnuju kaštoŭnaść. Pra heta paviedamiŭ žurnalistam namieśnik staršyni Minharvykankama Viktar Łapcieŭ.

turist.by

turist.by

«Budynak aeraporta «Minsk-1» budzie zachavany. Biezumoŭna, jon budzie vykarystoŭvacca inviestaram u tym liku i ŭ administracyjnych metach, ale ad hetaha abjekt nie stracić svaju historyka-kulturnuju kaštoŭnaść. Mahčyma, u budynku źjavicca i muziejnaja ekspazicyja», — skazaŭ Viktar Łapcieŭ.

Budaŭnictva šmatfunkcyjanalnaha centra «Minsk-Mir» źjaŭlajecca adnym z samych vialikich inviestycyjnych prajektaŭ, jaki realizujecca ciapier u horadzie. Ahulnaja płošča zabudovy składaje 3 młn kv.m. Na ŭčastku płoščaj 320 ha budzie pabudavana 14 tys. adzinak žylla, 305 tys. kv.m administracyjnych płoščaŭ. Tut źjavicca novy mižnarodny finansavy rajon. U jaho, u pryvatnaści, uvojduć kanfierenc-centr, centry dla praviadzieńnia roznych mierapryjemstvaŭ i adpačynku, škoły, parki i zialonyja zony, uklučajučy handlova-zabaŭlalny centr z arendnaj płoščaj 120 tys.kv.m. Adnoj z asnoŭnych asablivaściej zabudovy stanie park płoščaj 50 ha, dzie buduć pravodzicca muzyčnyja i tvorčyja fiestyvali, inšyja mierapryjemstvy na śviežym pavietry.

Zakładka pieršaha kamienia ŭ budaŭnictva šmatfunkcyjanalnaha centra «Minsk-Mir» adbudziecca ŭ vieraśni biahučaha hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?