Vyjava: Jean-Baptiste Alayrac et al. via arXiv.org

Vyjava: Jean-Baptiste Alayrac et al. via arXiv.org

Francuzskija daśledčyki stvaryli prahramu analizu videainstrukcyj u internecie i apisali jaje na arXiv.org, raspaviadaje N+1.

Prahrama prahladaje šerah videarolikaŭ na zadadzienuju temu i składaje pakrokavy płan vykanańnia zadačy ź ilustracyjaj da kožnaha kroku.

Ałharytm pravieryli na 30 videa pra toje, jak pamianiać koła, i 27 videa pra sardečna-lohačnuju reanimacyju. U pieršym vypadku prahrama pravilna zrazumieła 90% nieabchodnych krokaŭ, u druhim — tolki 67%.

U kožnym vypadku ilustracyi pad kroki padbiralisia karektna. Pryčym roznyja apisańni dziejańniaŭ (naprykład, «padymicie mašynu» i «prypadymicie aŭtamabil» u roznych rolikach) składvalisia ŭ adzin krok-etap razam z usimi ilustracyjami, źviazanymi mienavita z hetym krokam.

Heta pieršy vypadak paśpiachovaha stvareńnia instrukcyi ź ilustracyjami mietadam mašynnaha navučańnia. Raniej atrymlivałasia ci tolki padabrać vyjavy pad hatovy ałharytm, ci tolki raźbić videa na łahičnyja adrezki. Raspracoŭka moža dapamahčy vučyć robataŭ peŭnym apieracyjam, u jakich jany mohuć dapamahać čałavieku — naprykład, navučać robata-kuchara novym stravam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?