U Puchavickim rajonie dvoje padletkaŭ pa prośbie 73-hadovaj piensijanierki skrali z pola 5 rułonaŭ narychtavanaha siena.
U Puchavicki RAUS źviarnuŭsia dyrektar miascovaha sielskahaspadarčaha pradpryjemstva AAT «Plemzavod «Industryja», jaki paviedamiŭ, što nieviadomyja vykrali ŭnačy z pola piać rułonaŭ siena, vahoj kala paŭtonny kožny. Supracoŭniki kryminalnaha vyšuku apytali žycharoŭ susiedniaj vioski. U adnym z padvorkaŭ apieratyŭniki zaŭvažyli pažyłuju žančynu, jakaja karmiła śviežym sienam svajho kania.
Na ŭsie pytańni pra nieznajomcaŭ, jakija mahli b vykraści rułony z pola, jana spakojna adkazvała, što ničoha nie viedaje. Ahlad haspadarčych pabudovaŭ čakana pakazaŭ, što jašče čatyry vykradzienyja rułony znachodziacca tam ža.
Jak vyjaviłasia, napiaredadni 73-hadovaja piensijanierka paprasiła dvaich susiedskich padletkaŭ (15-i i 16-i hadoŭ) dapamahčy z narychtoŭkaj karmoŭ dla žyvioły, a mienavita prykacić z susiedniaha pola niekalki rułonaŭ siena. «Dobrasumlennyja» školniki nie admovili babuli i nočču prykacili joj 5 vielizarnych cylindraŭ. Za svaje pasłuhi padletki nie paprasili nijakaj apłaty.
Zaviedzienaja kryminalnaja sprava pa artykule «Kradziež». Siena viernuta zakonnamu ŭładalniku.
