Ministerstvy finansaŭ Rasii i Biełarusi 24 lipienia ŭ Maskvie padpisali mižuradavaje pahadnieńnie ab vydzialeńni Respublicy Biełaruś 760 młn dalaraŭ dziaržaŭnaha kredytu.
«Pahadnieńniem praduhledžanaje vydzialeńnie finansavych resursaŭ u rasijskich rublach na sumu 760 młn dalaraŭ ZŠA, termin 10 hadoŭ, uklučajučy 4-hadovy ilhotny pieryjad. Pastupleńnie srodkaŭ kredytu ŭ respublikanski biudžet čakajecca ŭ bližejšyja dni», — paviedamili ŭ pres-słužbie biełaruskaha Minfina.
Nahadajem, suma hetaha kredytu dajecca ŭ rasijskich rublach pa kursie Centrabanka Rasii na datu padpisańnia pahadnieńnia dla pahašeńnia i absłuhoŭvańnia ŭ biahučym hodzie dziarždoŭhu Biełarusi pierad RF i Jeŭrazijskim fondam stabilizacyi i raźvićcia. Ulik zapazyčanaści pa kredycie viadziecca ŭ dalarach ZŠA. Biełaruś vypłačvaje kredyt 13 roŭnymi paŭhadavymi dolami 15 lutaha i 15 žniŭnia kožnaha hoda, pryčym pieršy płaciož budzie ździejśnieny 15 lutaha 2019 hoda, apošni — 15 lutaha 2025 hoda.
Biełaruski bok vypłačvaje rasijskamu boku za karystańnie kredytam pracenty pa staŭcy LIBOR dla šaścimiesiačnych depazitaŭ u dalarach ZŠA, pavialičanaj na maržu. Pamier maržy fiksujecca ŭ pracoŭny dzień, jaki papiaredničaje dniu padpisańnia pahadnieńnia, i vyznačajecca jak roźnica pamiž prybytkovaściu rasijskich jeŭraablihacyj z pahašeńniem praź siem hadoŭ i staŭkaj siamihadovaha adsotkavaha svopu ŭ dołarach.