Fota: Shawn Fennell via Tumblr

Fota: Shawn Fennell via Tumblr

Aŭstralijski ŭrad vyrašyŭ źniščyć častku dzikich katoŭ, paviedamlaje Washington Post. Da 2020 hoda płanujecca zabić 2 młn žyvioł. Hetyja płany asudziła aktrysa i abaronca žyvioł Brydžyt Bardo, pieradaje Yahoo.

«[Katy] heta cunami hvałtu i śmierci dla miascovych aŭstralijskich vidaŭ», — zajaviŭ ministr navakolnaha asiarodździa Aŭstralii Hreh Chant. Dzikija katy štohod zabivajuć 75 młn inšych žyvioł.

Zvykłyja nam žyvioły jašče niadaŭna nie nasialali Aŭstraliju, pieršyja chatnija katy źjavilisia tam 200 hod tamu. Z tych časoŭ papulacyja dasiahnuła 20 młn tolki dzikich katoŭ. Klimat i mnostva ježy spryjajuć ich razmnažeńniu, a charčujucca jany nie tolki myšami dy pacukami, ale i redkimi vidami. Heta ŭžo pryviało da źniknieńnia 29 vidaŭ aŭstralijskich žyvioł, pad pahrozaj jašče 40 vidaŭ žyvioł i 30 — raślin.

Na piacihadovy płan pa źniščeńni katoŭ ułady źbirajucca vydatkavać 750 tysiač dalaraŭ. Suprać katoŭ Aŭstralija płanuje ŭžyć «humannyja» sposaby zabojstva: naprykład, atrutu, ad jakoj katy prosta zasynajuć nazaŭsiody. Taksama płanujecca sterylizavać i pierasialić častku katoŭ.

Abaronca pravoŭ žyvioł śćviardžaje, što hrošy, vydatkavanyja na zabojstvy, było by efiektyŭniej patracić na sterylizacyju. «Žyviolny hienacyd heta niehumanna i hłupa, — napisała jana ŭ adkrytym liście. — U dadatak da taho, što heta žorstka, zabojstvy katoŭ absalutna biassensoŭnyja, bo tyja, što vyžyvuć, praciahnuć razmnažacca».

Jaje sumnievy ŭ efiektyŭnaści zabojstvaŭ padtrymlivaje, hruntujučysia na byłym dośviedzie, arhanizacyja «Ludzi za etyčnaje abychodžańnie z žyviołami» (PETA). Śpiecyjalistaŭ turbuje i toje, što atruta dla dzikich katoŭ zabje i chatnich katoŭ u pryharadach, i inšych žyvioł.

Akramia katoŭ, Aŭstralija raniej zabivała kaał (jany zanadta chutka pładziacca i źniščajuć eŭkaliptavyja drevy dy ekasistemy vakoł ich), a taksama płanavała častkovaje źniščeńnie suchaputnych anabasavych ryb.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?