Dla druhoha etapu madernizacyi Aršanskaha lnokambinata budzie pryciahnuty kredyt «Eksimbanka» Kitaja na sumu kala $52 młn. Heta vynikaje z apublikavanaha na Nacyjanalnym pravavym internet-partale ŭkaza prezidenta ad 21 lipienia № 335.
Nahadajem, kantrakt na druhi etap madernizacyi lnokambinata z kitajskaj kampanijaj CITIC Construction — u liku inšych dakumientaŭ, padpisanych u Minsku 10 maja padčas Biełaruska-kitajskaha biźnies-forumu ŭ miežach vizitu staršyni KNR Si Czińpina.
Suma kitajskaha kredytu składzie $51 834 700, termin jaho pahašeńnia — 15 hadoŭ. Pry hetym pahašeńnie kredytu budzie adbyvacca sa srodkaŭ respublikanskaha biudžetu.
Aprača taho, suma, ekvivalentnaja $9,1 młn, budzie vydzielenaja Aršanskamu lnoakambinatu ź dziaržaŭnaha metavaha fondu nacyjanalnaha raźvićcia.
Zhodna z ukazam da kanca 2017 hoda ad uvaznych mytnych pošlin i PDK vyzvalajucca kamplektujučyja, materyjały i abstalavańnie dla realizacyi hetaha inviestprajekta, što ŭvoziacca na terytoryju Biełarusi. Aprača taho, na taki ž termin ad PDK vyzvalajucca abaroty pa realizacyi kitajskaj kampanijaj tavaraŭ, rabot, pasłuh i majomasnych pravoŭ.
Zamiežnyja hramadzianie i asoby biez hramadzianstva, jakich kitajskaja kampanija moža pryciahvać padčas madernizacyi lnokambinata, vyzvalajucca ad upłaty dziaržaŭnaj pošliny za vydaču dazvołaŭ na časovaje pražyvańnie ŭ Biełarusi.
