Adychod ad biudžetnaha finansavańnia ŭ ahitacyjnaj kampanii, abumoŭleny źmianieńniami ŭ vybarčym zakanadaŭstvie, daŭ kandydatam bolš šyrokaje pole dla dziejnaści.

Takoje mierkavańnie vykazaŭ siońnia žurnalistam sakratar Centralnaj kamisii pa vybarach i praviadzieńni respublikanskich refierendumaŭ Mikałaj Łazavik, jaki pravioŭ sieminar-vučobu z kirujučym składam terytaryjalnych vybarčych kamisij Bresckaj vobłaści.

Pavodle słoŭ sakratara CVK, u papiarednija vybarčyja kampanii nazirałasia peŭnaja «vajna listovak», kali ahitacyjnyja materyjały adnaho kandydata raźmiaščalisia pavierch, a inšym razam i zamiest ahitak kankurenta. U vybarščykaŭ navat nie było vyraznaha ŭjaŭleńnia ab kandydatach. Ciapier adna takaja listoŭka ź ilustravanym materyjałam ab usich kandydatach na pasadu kiraŭnika dziaržavy budzie vyrablena centralizavana i praz adździaleńni suviazi pastupić u paštovyja skryni kožnaj siamji. «Heta ŭ pieršuju čarhu ablehčyć ahitacyjnuju rabotu samich kandydataŭ, ź inšaha boku - pavysić infarmavanaść vybarščykaŭ», — adznačyŭ Mikałaj Łazavik.

Akramia taho, pretendentam u kandydaty dadziena prava sfarmiravać svoj asabisty vybarčy fond, za košt jakoha jon moža vyrabić dadatkovy ahitacyjny materyjał, apłacić vystupleńnie ŭ ŚMI, arendu pamiaškańnia dla sustreč z vybarščykami i navat rabotu svajho pieradvybarnaha štaba. «Podpisy źbirać vielmi nialohka. Heta vialikaja rabota. I, napeŭna, pravilna, kali heta rabota budzie apłačvacca. Siońnia na zakonnych padstavach kožny patencyjalny kandydat moža prafinansavać rabotu členaŭ svajho pieradvybarnaha štaba», — paviedamiŭ sakratar CVK.

Istotnyja źmianieńni ŭ Vybarčym kodeksie stali pradmietam razmovy ŭ čas siońniašniaha sieminara-vučoby ŭ Breście. Členaŭ terytaryjalnych kamisij čakaje vialikaja rabota - jak z patencyjalnymi kandydatami, tak i z učastkovymi vybarčymi kamisijami. «Takija sieminary nieabchodny dla taho, kab akcentavać uvahu ŭdzielnikaŭ na novaŭviadzieńni, jakija buduć prymienieny ŭ čas hetaj vybarčaj kampanii i, zrazumieła, vykarystać toj dobry bahaty vopyt, jaki nabyty, u tym liku i ŭ Bresckaj vobłaści», — skazaŭ Mikałaj Łazavik.

Jon paviedamiŭ, što śledam za Hrodnam i Brestam takija sustrečy z kiraŭnikami terytaryjalnych vybarkamaŭ adbuducca ŭ Viciebsku. U svaju čarhu staršynia CVK Lidzija Jarmošyna praviadzie navučalnyja sieminary ŭ Minsku, Minskaj, Homielskaj i Mahiloŭskaj abłaściach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?