Lidar KNDR Kim Čen Yn prysutničaŭ na vučeńniach VPS narodnaj respubliki, jakija nazvaŭ «padrychtoŭkaj da vajny z ZŠA i Paŭdniovaj Karejaj».
Fota: EPA/KCNA/HANDOUT
Jak paviedamiła ahienctva CTAK, Kim Čen Yn zrabiŭ hetuju zajavu pa vynikach vizitu na vajennuju bazu Kalma niedaloka ad partovaha horada Vansan na ŭschodnim uźbiarežžy krainy.
Treniroŭka, jakuju CTAK nazvaŭ «vajenna-pavietranymi spabornictvami», była praviedziena z nahody 62-j hadaviny padpisańnia pahadnieńnia ab pieramirji pa vynikach Karejskaj vajny 1950—1953 hadoŭ.
Hety konkurs «pavinien ździejśnić radykalny pavarot u vučeńniach, nakiravanych na padrychtoŭku da vajny, poŭnaj žadańnia źvieści rachunki z amierykanskimi impieryjalistami i hrupaj paŭdniovakarejskich maryjanietak, jakija, achoplenyja praamierykanskaj psichapatyjaj, raspalvajuć supraćstajańnie pamiž suajčyńnikami», cytuje CTAK lidara KNDR.
Načalnik paŭnočnakarejskaha Hienštaba Ry Jon Hil, jaki taksama prysutničaŭ na pakazalnaj treniroŭcy lotčykaŭ, u svajoj pramovie adznačyŭ, što Karejski paŭvostraŭ ciapier znachodzicca na miažy vajny, jakaja pa maštabach nie sastupaje kanfliktu 65-hadovaj daŭniny. Jon taksama abvinavaciŭ ZŠA i Respubliku Kareju ŭ «chłuśni» i nahniatańni «vajennaj isteryi».
CTAK nie paviedamlaje, kali mienavita adbylisia vučeńni. Hadavina zakančeńnia Karejskaj vajny adznačajecca 27 lipienia.
