U Biełarusi razhladajecca mahčymaść praviadzieńnia apieracyj va ŭłońni maci. Pakul u respublicy jany nie vykonvajucca, hety kirunak zastajecca pierśpiektyŭnym. Pra heta paviedamiŭ žurnalistam dyrektar Respublikanskaha navukova-praktyčnaha centra dziciačaj chirurhii Kanstancin Drazdoŭski.
«My razhladajem mahčymaść praviadzieńnia takich apieracyj i farmirujem kirunak pa raźvićci mienavita hetaj haliny. Ale heta dosyć vialikaja praca, tamu što tut nie ŭsio zaležyć ad nas, praca viadziecca na styku akušerstva i hiniekałohii i dziciačaj chirurhii. Prapracavać prahramu, zojmie, ja dumaju, dosyć doŭhi čas», — skazaŭ Kanstancin Drazdoŭski.
Pavodle jaho słoŭ, ab efiektyŭnaści takich umiašańniaŭ pakul mierkavać składana. Heta dosyć novaja mietodyka, i kab jana stała standartam, treba jak minimum praviadzieńnie surjoznych vyprabavańniaŭ. U toj ža čas u śviecie jość jak stanoŭčyja, tak i admoŭnyja vyniki takich apieracyj.
Kanstancin Drazdoŭski adznačyŭ, što isnujuć peŭnyja patałohii, jakija patencyjna možna kali nie vylečyć, to chacia b palehčyć stan dziciaci va ŭłońni maci, «kab užo paśla naradžeńnia apieracyja i dalejšaje lačeńnie byli źviazany ź mienšymi psichałahičnymi i fizičnymi zatratami».
U cełym, pa słovach dyrektara RNPC, biełaruskaja chirurhija i kardyjachirurhija ŭ apošnija hady zrabiła surjozny praryŭ. «Kali hadoŭ 10—15 nazad da nas pryjazdžali śpiecyjalisty, kab spravicca ź niejkimi składanymi vypadkami, navučyć peŭnym vidam apieracyj pry peŭnaj patałohii, to ŭ apošnija hady našy śpiecyjalisty jeździać u zamiežnyja krainy — Rasieju, Ukrainu, Azierbajdžan — dla praviadzieńnia majstar-kłasaŭ», — skazaŭ Kanstancin Drazdoŭski.
Akramia taho, dziakujučy pośpiecham biełaruskaj miedycyny ŭ respubliku na apieracyi pryjazdžajuć zamiežnyja hramadzianie. Da prykładu, apieracyja na adkrytym sercy ŭ dziciaci dla zamiežnikaŭ u Biełarusi kaštuje ad $ 7 tys. da $ 12 tys. Košt endavaskularnaj karekcyi vahajecca ad $ 5 tys. da $ 8 tys. Anałahičnyja apieracyi na serca ŭ Jeŭropie kaštujuć ad $ 20 tys. da $ 40 tys. U ZŠA apieracyja na serca dziciaci abydziecca ŭ značna bolšuju sumu — da $ 100 tys. Dla ŭsich hramadzian Biełarusi takija ŭmiašańni vykonvajucca biaspłatna.
RNPC dziciačaj chirurhii maje dastatkova dobraje zabieśpiačeńnie jak sučasnym abstalavańniem, tak i raschodnymi materyjałami dla lačeńnia dziaciej, što dazvalaje «vieści dzicia ad jaho naradžeńnia da vyzdaraŭleńnia», adznačyŭ Kanstancin Drazdoŭski.
