Na pačatku lipienia Lutfu Tanryovier pabačyŭ u Mižziemnym mory la horada Fietchije (Turcyja) na hłybini kala 22 mietraŭ niešta kruhłaje i prazrystaje dyjamietram pryblizna 4 mietry, raspaviadaje MNN. Vadałaz padzialiŭsia videazapisam u internecie.
Vadałaz nie zrazumieŭ, što jon znajšoŭ, ale adčuŭ strach i chvalavańnie. Toje, što jon nazyvaje «niešta», amal prazrystaje, praśviečvajecca lichtarykam naskroź. Navobmacak «burbałka» miakkaja, ale nie «pratykajecca» palcam.
Zaołah Śmitsanaŭskaha instytutu (ZŠA) Majkł Vkčyone ličyć, što šar moža być niezvyčajna vialikaj kałonijaj jajek kalmaraŭ. U pryvatnaści, jon padazraje Ommastrephes bartramii, taksama viadomych jak latučyja nieonavyja kalmary. Ale navukoviec nie ŭpeŭnieny, bo nichto raniej nie bačyŭ ich kałonij takoha pamieru.