Fota RIA «Novosti»
U haradskim sudzie Daniecka Rastoŭskaj vobłaści pačalisia papiarednija słuchańni pa kryminalnaj spravie ŭ dačynieńni da ŭkrainskaj lotčycy Nadziei Saŭčanka, jakaja abvinavačvajecca ŭ datyčnaści da zabojstva žurnalistaŭ u Danbasie.
Pasiadžeńnie idzie ŭ zakrytym režymie.
Vidavočcy paviedamlajuć, što la budynka suda ŭzmocnieny miery biaśpieki, pa pierymietry dziažurać uzbrojenyja supracoŭniki palicyi, prajezd aŭtamabilaŭ pa susiednich vulicach zabaronieny.
Raniej advakat Illa Novikaŭ paviedamiŭ, što ŭ abarony źjaviŭsia novy dokaz nievinavataści ŭkrainskaj lotčycy. Novikaŭ raźličvaje pakazać sudu videa, na jakim, pavodle jaho, Saŭčanka znachodzicca ŭ pałonie va ŭzbrojenych bajevikoŭ «ŁNR». Pavodle abaroncy, ekśpierty ŭstanavili, što videa było źniata za hadzinu da abstrełu rasiejskich žurnalistaŭ, u zabojstvie jakich abvinavačvajuć Nadzieju Saŭčanka.
U svaju čarhu aficyjny pradstaŭnik Śledčaha kamiteta Uładzimir Markin paviedamiŭ, što śledstva sabrała dastatkova dokazaŭ datyčnaści ŭkrainki da hetaha złačynstva.
Hramadzianka Ukrainy Nadzieja Saŭčanka abvinavačvajecca ŭ zabojstvie dvuch i bolš asob, zamachu na zabojstva i niezakonnym pierasiačeńni miažy. Sama Saŭčanka ŭsie abvinavačvańni kateharyčna adchilaje.
Paśla zakančeńnia papiarednich słuchańniaŭ stanie viadomaja data razhladu spravy.