Alaksandr Łukašenka patrabuje bolš aktyŭnaj raboty pa raźviedcy karysnych vykapniaŭ i ličyć važnym uličvać vopyt zamiežnych partnioraŭ i naładžvać supracoŭnictva ź imi. Ab hetym kiraŭnik dziaržavy zajaviŭ 30 lipienia, prymajučy z dakładam ministra pryrodnych resursaŭ i achovy navakolnaha asiaroddzia Andreja Kaŭchutu.
Alaksandr Łukašenka źviarnuŭ asablivuju ŭvahu na surjoznyja niedapracoŭki pa raźviedcy nietraŭ.
«Ja prosta nie vieru, što ŭ nas niama vialikich abjomaŭ nafty i što ŭ našych nietrach adsutničaje pryrodny haz, — adznačyŭ Alaksandr Łukašenka. — Na padobnych terytoryjach u Rasii i inšych krainach zdabyvajecca niamała nafty i pryrodnaha hazu, a taksama kaštoŭnych mietałaŭ — toje, što stvaraje asnovu dabrabytu i ŭstojlivaści luboj ekanomiki luboj dziaržavy».
Łukašenka ličyć važnym uličvać vopyt zamiežnych partnioraŭ i naładžvać supracoŭnictva ź imi pa raźviedcy karysnych vykapniaŭ.
«Jość šmat dziaržaŭ, što majuć vialikija bahaćci svaich nietraŭ, kiraŭniki jakich prapanujuć nam supracoŭničać — Vieniesueła, Zimbabve i inšyja łacinaamierykanskija i afrykanskija krainy, — adznačyŭ kiraŭnik dziaržavy. —
Treba surjozna razam z zacikaŭlenymi prapracavać hetyja pytańni, u tym liku pahladzieć, na jakich umovach supracoŭničać i što my ad hetaha budziem mieć».
Alaksandr Łukašenka skazaŭ, što heta sustreča prachodzić napiaredadni narady, jakaja budzie pryśviečana temie zapasaŭ karysnych vykapniaŭ u Biełarusi. «Dałažycie ab tym, što my majem i ab tym, što budziem mieć zaŭtra i paślazaŭtra. Płan dziejańniaŭ pa surjoznym vyvučeńni našych nietraŭ vy pavinny pakłaści mnie na stoł», — zapatrabavaŭ jon. Jon skazaŭ, što hetyja pytańni buduć znachodzicca pad jaho asablivym kantrolem.
