Žychary Ziamli 31 lipienia zmohuć nazirać unikalnuju pryrodnuju źjavu — «Błakitny Miesiac», paviedamlajuć infarmahienctvy.
space.com
Zvyčajna za adzin hod adbyvajecca 12 poŭniaŭ — pa adnoj na kožny miesiac. Adnak u niekatoryja hady, u tym liku i ŭ 2015-m, poŭniaŭ budzie 13. Sprava ŭ tym, što miesiacovy miesiac doŭžycca 29,530589 ziamnych sutak, što karaciej za ŭsie ziamnyja miesiacy, akramia lutaha. Hetaja nieadpaviednaść i pryvodzić da źjaŭleńnia trynaccatahaj poŭni ŭ niekatoryja hady.
U lipieni ŭžo była adna poŭnia — 2 lipienia, a nastupnaja čakajecca 31-ha. Mienavita druhaja poŭnia miesiaca i nazyvajecca «Błakitnym Miesiacam». Adnak nazva «Błakitny Miesiac» zusim nie abumoŭlenaja źmienaj koleru ziamnoha spadarožnika. Jana ŭtvaryłasia ad anhielskaha idyjomatyčnaha vyrazu «Once in a Blue Moon», što aznačaje padzieju, jakaja redka adbyvajecca.
Varta adznačyć, što hetaja niezvyčajnaja pryrodnaja źjava nie prachodzić biasśledna. Pad uździejańnie druhoj poŭni traplajuć uraźlivyja i emacyjnyja ludzi. Jany robiacca razdražnialnymi i niastrymanymi. Taksama da «Błakitnaha Miesiaca» varta padrychtavacca ludziam, jakija pakutujuć na alerhii, mihreni, sindrom chraničnaj stomlenaści.
Nastupny «Błakitny Miesiac» płanujecca na studzień 2018 hoda.