Maładziečanskim rajonnym adździełam Śledčaha kamiteta rasśledujecca kryminalnaja sprava ŭ dačynieńni da 44-hadovaj miascovaj žycharki, jakaja padazrajecca ŭ machlarstvie ŭ asabliva bujnym pamiery. Kryminalnaja sprava raspačata pavodle materyjałaŭ pravierki, praviedzienaj supracoŭnikami rajonnaha adździeła ŭnutranych spraŭ pa zajavach ad hramadzian.
Jak paviedamiła aficyjny pradstaŭnik USK pa Minskaj vobłaści Taćciana Biełanoh, ustanoŭlena, što žančyna z 2011 hoda pa 2014-y šlacham padmanu i złoŭžyvańnia davieram pad roznymi markami ŭhavaryła svaich znajomych uziać na siabie kredyty ŭ adździaleńniach roznych bankaŭ horada, abiacajučy pahašać usie płaciažy. U adnym vypadku joj patrebny byli hrošy na kuplu aŭtamabila, u inšym — na dobraŭparadkavańnie doma. Davierlivyja hramadzianie pa prośbie padazronaj brali navat niekalki kredytaŭ i pieradavali joj roznyja hrašovyja sumy: 40, 60, 100 i bolš miljonaŭ rubloŭ. U suviazi z tym, što žančyna nie mieła dastatkovych mahčymaściej dla ažyćciaŭleńnia svoječasovych štomiesiačnych płaciažoŭ, banki pačali prymać mery da spahnańnia hrašovych sum z paciarpiełych.
Achviarami machlarstva stali kala 15 čałaviek, jakija ŭ bankach horada nabrali kredytaŭ na sumu bolš čym paŭmiljarda rubloŭ.
U pracesie rasśledavańnia ŭstanaŭlivajucca ŭsie abstaviny machlarstva. Nakiravany zapyty ŭ adździaleńni bankaŭ, dapytvajucca śviedki, pravodziacca vočnyja staŭki z paciarpiełymi.
Dziejańni padazronaj kvalifikavany pa č. 4 art. 209 KK (machlarstva, učynienaje ŭ asabliva bujnym pamiery).
