Troje byłych viadučych prahramy Top Gear, jakaja vychodziła na druhim kanale Bi-bi-si, paviedamili, što buduć vieści takuju ž prahramu ab aŭtamabilach na Amazon Prime.
topgear.com
Džeremi Kłarksan, Ryčard Chamand i Džejms Mej zajavili, što ŭ nastupnym hodzie pačynajuć rabić sieryju prahram razam z byłym pradziusaram Top Gear Endzi Uiłmanam, jaki taksama pakinuŭ šoŭ na Bi-bi-si.
Usie jany syšli paśla sakavickaha skandału, kali viadučy prahramy Džeremi Kłarksan padčas zdymak ŭdaryŭ adnaho z pradziusaraŭ.
Kłarksan byŭ adchileny ad dalejšaj pracy ŭ prahramie, ale ŭśled za im syšli i dvoje inšych viadučych i pradziusar Uiłman.
U svajoj zajavie pra pačatak pracy nad prahramaj na Amazon Prime Kłarksan zajaviŭ, što adčuvaje siabie, byccam jon pierasieŭ sa staroha bipłana ŭ kaśmičny karabiel.
