Sistema abarony Ałandskich astravoŭ ŭ Bałtyjskim mory maje patrebu ŭ pierahladzie u suviazi sa źmienami hieapalityčnaj abstanoŭki na Bałtycy, vyklikanymi ŭkrainskim kryzisam i anieksijaj Kryma, zajaviŭ u intervju niekalkim finskim ŚMI ministr abarony Finlandyi Jusi Niiniścio.
Jon taksama zajaviŭ, što Finlandyja rychtujecca da mahčymaj akupacyi Ałandskich astravoŭ «zialonymi čałaviečkami», h.zn. vajennymi biez apaznavalnych znakaŭ na formie, jak heta adbyłosia ŭ Krymie ŭ lutym-sakaviku 2014 hoda.
Niiniścio padkreślivaje, što padrychtoŭka da abarony Ałandskich vyspaŭ nie aznačaje, što ŭ Bałtyjskim rehijonie ŭzrasła niebiaśpieka vajennaha kanfliktu.
Finlandyja i Šviecyja pahłyblajuć abaronnaje supracoŭnictva ŭ adpaviednaści ź mižuradavaj prahramaj, adznačyŭ jon. Šviecyja aścierahajecca rasijskaha ŭvarvańnia na vostraŭ Hotłand.
Były ministr abarony Finlandyi Karł Chahłund u intervju haziecie Kaleva skazaŭ, što Niiniścio svaimi zajavami pieraśleduje palityčnyja mety, ale miarkuje, što ŭ taho jość na heta dastatkovyja pryčyny.
Prafiesar univiersiteta Tampere Pami Aalta ličyć, što ŭ ministra abarony Finlandyi va ŭmovach padvyšanaj rasijskaj vajennaj i prapahandysckaj aktyŭnaści prosta niama inšaj alternatyvy.
Ałandskija astravy nasielenyja pieravažna šviedami i majuć niejtralny demilitaryzavany status. U 1809 hodzie Rasija zachapiła archipiełah, adnak straciła jaho ŭ chodzie Krymskaj vajny ŭ 1855 hodzie.
