Adzin z najbolš papularnych futbalistaŭ śvietu, uładalnik «Załatoha miača» apošnich dvuch hod, Kryštyjanu Ranałdu źbiraŭ miłaścinu na vulicach Madryda (Ispanija).
Ispancy nie paznali svajho kumira praz nakładnyja baradu i žyvocik, chacia jon nastojliva demanstravaŭ ułaścivyja sabie truki ź miačom. Dziaŭčaty navat nie dali telefončyk samamu darahomu futbalistu śvietu.
Miarkujučy pa videa, u «bamža» (tak ispanskija ŚMI nazvali novy vobraz Ranałdu) najlepiej atrymałasia zacikavić dzicia, jaki, praŭda, pačaŭ niešta padazravać tolki kali «bomž» staŭ zdymać ź siabie nakładnuju baradu.
Padobna, što rozyhryš nie niasie niejkaj sensavaj nahruzki i nie jość dabračynnaj ci rekłamaj akcyjaj. Na siońnia Ranałdu vychodzić na svajo traŭmy, jon prapuścić pieršyja tavaryskija matčy za «Reał Madryd» pierad hetym siezonam, na poli jaho miesca zojmie druhi pa darahaviźnie futbalist Haret Bejł. Tak što Ranałdu, mahčyma, prosta maje čas i natchnieńnie.
