Pavodle zadumy inicyjataraŭ rezalucyi, mižnarodny trybunał pa krušeńni małajzijskaha Boeing na ŭschodzie Ukrainy pavinien byŭ u asnoŭnym abapiracca na ŭkrainskaje zakanadaŭstva, što nie padobna na mižnarodny sud, zajaviŭ kiraŭnik MZS RF Siarhiej Łaŭroŭ.
«Što tyčycca sudździaŭ i abvinavaŭcaŭ trybunała, to jany pavinny byli pryznačacca hienieralnym sakratarom biez kansultacyi ŭ Radzie Biaśpieki AAN. Pryčym było prapanavana, što sudździ pavinny mieć dośvied viadzieńnia spraŭ i raźbiracca va ŭkrainskim i małajzijskim zakanadaŭstvie. Heta nie padobna na mižnarodnaje rasśledavańnie, na mižnarodny sudovy razbor», — zajaviŭ Łaŭroŭ u intervju Sinhapurskamu telekanału Channel News Asia.
***
29 lipienia Rada Biaśpieki AAN razhledzieła inicyjatyvu šerahu krain ab zasnavańni mižnarodnaha trybunała dla pryciahnieńnia da adkaznaści asob, vinavatych u hibieli samalota. Rasija zabłakavała prajekt rezalucyi. Kančatkovy dakład Rady biaśpieki Niderłandaŭ pa pryčynach krušeńnia budzie apublikavany ŭ pieršaj pałovie kastryčnika 2015 hoda.
