Zavodskim (Minska) rajonnym adździełam Śledčaha kamiteta raspačataja kryminalnaja sprava ŭ dačynieńni da 55-hadovaha minčuka, jaki padazrajecca ŭ zamachu na zabojstva.
Jak paviedamiŭ aficyjny pradstaŭnik upraŭleńnia SK pa Minsku Alaksandr Hierasimaŭ, 3 žniŭnia prykładna ŭ 17.20 padazrony, znachodziačysia ŭ stanie ałkaholnaha apjanieńnia, u tralejbusie maršrutu № 3D z chulihanskich mierkavańniaŭ paraniŭ nažom 60-hadovaha mužčynu i ŭciok. Pasažyry nieadkładna paviedamili pra heta na liniju 102.
Bryhadaj chutkaj miedycynskaj dapamohi paciarpieły byŭ špitalavany. Jaho žyćcio i zdaroŭje u biaśpiecy.
Naradam milicyi padazrony byŭ zatrymany praź niekalki chvilin niepadalok ad miesca padziej. Śledča-apieratyŭnaj hrupaj praviedzieny ahlad miesca zdareńnia. Znojdzienaja pryłada złačynstva, inšyja rečavyja dokazy.
Sprava raspačataja pavodle prykmiet złačynstva, praduhledžanaha č. 1 art. 14 i č. 2 art. 139 KK (zamach na zabojstva). Padazrony źmieščany ŭ izalatar časovaha ŭtrymańnia. Ź im pracujuć śledčyja. Miedycynski ahlad pakazaŭ u zatrymanaha ałkaholnaje apjanieńnie 3 pramile.
U miežach rasśledavańnia apytanyja vidavočcy, pryznačanyja ekśpiertyzy, pravodzicca kompleks nieadkładnych śledčych dziejańniaŭ.