Bajeviki ekstremisckaj hrupoŭki «Isłamskaja dziaržava» apublikavali videa z pahrozami ŭ adras kanclera Hiermanii Anhieły Mierkiel.
U piacichvilinnym videaroliku pakazany zapis pakarańnia dvuch zakładnikaŭ u siryjskim horadzie Palmira, jaki džychadzisty zachapili ŭ traŭni hetaha hoda.
Bajeviki na niamieckaj movie zaklikajuć svaich «bratoŭ i siaścior» u Hiermanii i Aŭstryi dałučycca da «Isłamskaj dziaržavy» ŭ Siryi abo Iraku, albo ažyćciaŭlać ataki suprać «niaviernych» u siabie na radzimie.
Adzin z bajevikoŭ kaža, što ID adpomścić Anhiele Mierkiel za ŭdzieł Bierlina ŭ kaalicyi suprać ID i za «kroŭ musulman, pralituju ŭ Afhanistanie», kudy Hiermanija nakiroŭvała svaich vajskoŭcaŭ dla ŭdziełu ŭ apieracyjach u składzie sił NATA.
Pavodle dadzienych vyviedki Hiermanii, za čas kanfliktu ŭ Siryi da džychadzistaŭ dałučylisia kala 600 hramadzian Hiermanii.
