Numar «ARCHE», jaki prapanujecca ŭvazie čytačoŭ, achoplivaje svaim źmiestam asnoŭnyja viechi z historyi polskaha ŭzbrojenaha čynu padčas Druhoj suśvietnaj vajny.

Čytač znojdzie ŭ im artykuły, pryśviečanyja čysta vajskovaj prablematycy (historyja stvareńnia i bajavoha šlachu paasobnych vajskovych farmavańniaŭ), a taksama daśledavańni, jakija tyčacca vajenna-palityčnaj situacyi ŭ Polščy napiaredadni i padčas Druhoj suśvietnaj vajny. Miarkujem, što biełaruskamu čytaču budzie cikava paznajomicca z historyjaj jak rehularnych vajskovych farmavańniaŭ, jakija dziejničali na roznych frantach vajny, tak i z historyjaj niezaležnickaha partyzanskaha ruchu.

Tak, artykuł daśledčyka z Hdańska Jaceka Tebinki pryśviečany temie Polščy i polskich vajskovych farmavańniaŭ u jakaści subjekta mižnarodnaj palityki padčas Druhoj suśvietnaj vajny.

Trahičnyja padziei vieraśnia 1939 h. i ich nastupstvy źjaŭlajucca pradmietam daśledčyckaj uvahi varšaŭskich prafiesaraŭ Vojciecha Materskaha i Julijuša Tyma.

U svaju čarhu, udziełu polskich vojskach na zachodnich frantach vajny tyčacca pracy Januša Zuziaka z Varšavy, Tomaša Hajoŭnika z Olštyna, Paŭła Javorskaha z Urocłava, Jana Škudlinskaha z Hdańska. Historyja stvareńnia i dziejnaści polskich vajskovych farmavańniach na ŭschodnim froncie analizujecca varšaŭskimi daśledčykami Česłavam Hželakam i Źbihnievym Palskim, a taksama historykam z Łodzi Albinam Hłavackim.

Prablematycy polskaha niezaležnickaha padpolnaha i partyzanskaha ruchu pryśviečanyja artykuły Andžeja Chmielaža z Varšavy, a taksama daśledčykaŭ z Hrodna Stanisłava Silvanoviča, Vitala Barabaša i Andžeja Pačobuta.

Pra toje, jak atrymać časopis, čytajcie na sajcie Arche.

Клас
0
Панылы сорам
0
Ха-ха
0
Ого
0
Сумна
0
Абуральна
0