Infarmacyjny centr na prezidenckich vybarach budzie pracavać z 10 pa 12 kastryčnika ŭ Pałacy Respubliki, paviedamiŭ sakratar CVK Mikałaj Łazavik 6 žniŭnia na pasiadžeńni Centralnaj kamisii.
Pavodle jaho słoŭ, infarmacyjny centr stvarajecca tradycyjna, jaho hałoŭnaja zadača — «apieratyŭna i abjektyŭna infarmavać mižnarodnych naziralnikaŭ i srodki masavaj infarmacyi pra kandydataŭ u prezidenty, chod i vyniki hałasavańnia».
11 kastryčnika, u asnoŭny dzień hałasavańnia, pieršaja pres-kanfierencyja kiraŭnictva CVK adbudziecca ŭ 10.00, zatym jany buduć prachodzić kožnyja dźvie hadziny da 20.00. Vynikovaja pres-kanfierencyja adbudziecca 12 kastryčnika ŭ 11.00.
Dostup u infarmacyjny centr dla pradstaŭnikoŭ biełaruskich ŚMI budzie ažyćciaŭlacca na padstavie akredytacyjnych paśviedčańniaŭ, vydadzienych Nacyjanalnym pres-centram, zamiežnych ŚMI — na padstavie akredytacyjnych paśviedčańniaŭ, vydadzienych MZS.
