Kali koń «uśmichajecca», jon maje na ŭvazie zusim nie toje, što dumaje čałaviek. Fota: infobarrel.com
Hrupa daśledčykaŭ pad kiraŭnictvam Jena Vatana z univiersiteta Saseksa (Vialikabrytanija) prydumała mietadałohiju padliku mahčymych vyrazaŭ na pysach žyvioł i prapanavała jaje na staronkach PLoS.
Pavodle padlikaŭ daśledčykaŭ, čałaviečy tvar praz ruchi vusnaŭ, brovaŭ, paviekaŭ i inšych častak tvaru moža vyrazić 27 emocyj. Koni tym ža sposabam (i taksama vušami dy nozdrami) mohuć vyrazić 17, sabaka — 16, a šympanze tolki 13.
Takim sposabam my i našyja rodzičy vykazvajem strach, bol, radaść i inšyja «sihnały» padobnym da siabie.
Toje, što žyvioły mohuć pieradavać infarmacyju pra svoj stan «vyrazami pys», było viadoma i raniej, ale dahetul nie pryniataja mietadałohija ich vyznačeńnia i padliku. Kamanda Vatana praanalizavała videazapisy z žyviołami ŭ naturalnym asiarodździ i strukturavała strukturu ich «vyrazaŭ pys» u zaležnaści ad abstavin i na padstavie raźmiaščeńnia ciahlic na tvary.
Pryniaćcie i vykarystańnie adzinaj mietadałohii razhladu «vyrazaŭ pys», pišuć aŭtary, dazvolić udała zadakumientavać viadomyja čałavieku ruchi pys žyvioł i źviazać ich z sacyjalnym kantekstam. Adziny «słoŭnik» dapamoža daśledčykam žyviolnych hramadstvaŭ, psichołaham i vieterynaram.
