Žurnalistka «Narodnaj voli» i vice-staršynia Biełaruskaj asacyjacyi žurnalistaŭ Śviatłana Kalinkina vydała dzikuju manu pra niejkuju mifičnuju razmovu, jakuju ja nibyta mieŭ ź joju. Zamiest taho kab acanić adkazy taho, u kaho ja braŭ učora intervju, jana pierajšła na asoby žurnalistaŭ. Jaje dopis u fejsbuku z abrazami i vydumanymi dyjałohami, na žal, nierazborliva pieradrukavali niedziaržaŭnyja internet-ŚMI.
Nie budu tłumačyć sens pracy žurnalista šef-redaktarcy haziety «Narodnaja vola», ale pa sutnaści chaču skazać, što jaje dopis — falšyŭka.
Pakolki ja byŭ adzinym žurnalistam na presavaj kanferencyi Łukašenki 29 studzienia, chto zadaŭ pytańnie pra vyzvaleńnie Mikałaja Statkieviča, to vymušany pryznać, što jana mieła na ŭvazie ŭ svaim niepraŭdzivym i abraźlivym dopisie mianie. U mianie nie było nijakaj razmovy ź joju pra maju prośbu na intervju z Łukašenkam.
Jaje niepraŭdzivy dopis mianie abraziŭ, i ja vymušany napisać zajavu na jaje ŭ kamisiju pa etycy BAŽ.
