Alaksandr Łukašenka pieraściaroh ŭrad ad źjaŭleńnia prapanoŭ, adarvanych ad žyćcia, dalokich ad vykanańnia. «Nam patrebnyja prapanovy, jakija siońnia i zaŭtra dazvolać našym ludziam narmalna žyć», — skazaŭ jon, prymajučy z dakładam premjer-ministra Andreja Kabiakova.
«U nas taksama ŭ niekatorych śvierb, u častki našaha hramadstva: voś nie vychodzić, patrebnyja niejkija pieramieny. Typu «miljon pracoŭnych miescaŭ». Praŭda, nichto nie dumaje ab tym, što pracoŭnyja miescy ž patrebnyja z zaŭtrašniaha dnia, kab pradać pradukcyju. Dy i dzie my voźmiem hety miljon čałaviek pad miljon pracoŭnych miescaŭ? Viedajecie, papulisckija takija voś łozunhi. A pa-druhoje, kab stvaryć miljon pracoŭnych miescaŭ, treba 10 miljardaŭ dalaraŭ, a mo i bolš. Bo heta pavinny być miescy, jakija daduć dobruju pradukcyju», — skazaŭ Łukašenka.
Jak viadoma, «Miljon novych pracoŭnych miescaŭ dla Biełarusi» — heta nazva pieradvybarnaj prahramy lidara Abjadnanaj hramadzianskaj partyi Anatola Labiedźki.
