Śledčy kamitet u Minsku zaviaršyŭ rasśledavańnie spravy dyrektarki Respublikanskaha centra alimpijskaj padrychtoŭki pa šachmatach i šaškach.

Śledčyja śćviardžajuć, što 43-hadovaja minčanka sistemna vykarystoŭvała svajo słužbovaje stanovišča ŭ karyślivych metach. Jana prysabiečvała biudžetnyja hrošy ŭ rublach i valucie, jakija vyłučalisia jaje ŭstanovie dla spartyŭnych mierapryjemstvaŭ, vučebna-trenirovačnych zboraŭ, na kamandzirovačnyja vydatki, u tym liku na vyjezd u zamiežža. Akramia taho, dyrektarka zahadvała rabotnikam buchhałteryi biez padstavaŭ naličvać joj premii i materyjalnuju dapamohu, kampiensacyju za niavykarystany adpačynak.

Taksama žančyna zavałodała budmateryjałami, jakija pradprymalniki-arandatary nabyli dla ramontu adnaho z pamiaškańniaŭ ustanovy. Ad adnaho z pradprymalnikaŭ jana atrymała chabar za praciah arendy.

Śledčyja sabrali dokazy pa 12 złačynnych epizodach. Škoda ad dziejańniaŭ dyrektarki aceńvajecca ŭ sumu bolš za 222 młn rubloŭ.

Eks-dyrektarku vinavaciać u złoŭžyvańni słužbovymi paŭnamoctvami, kradziažy šlacham złoŭžyvańnia słužbovymi paŭnamoctvami, machlarstvie i atrymańni chabaru.

Minčanku ŭziali pad vartu, Na jaje majomaść koštam 1,361 młrd rubloŭ nakładzieny aryšt.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?