Ambasada ZŠA ŭ Litvie abviaściła ab śpiecyjalnym hrant na $500 tys., vydzielenych na supraćdziejańnie rasijskim ŚMI ŭ krainach Bałtyi.

Pra heta pišuć «Iźviestija».

U prajekcie mohuć uziać udzieł jak pačatkoŭcy, tak i vopytnyja ruskamoŭnyja žurnalisty i inšyja miedyjaprafiesijanały.

Pakolki rasijskaja prapahanda i dezinfarmacyja množacca, srodkam masavaj infarmacyi va ŭsich troch krainach nieabchodnyja navyki i instrumienty supraćstajańnia — z dapamohaj pierakanaŭčaj navinnaj žurnalistyki, zasnavanaj na faktach, havorycca ŭ paviedamleńni, raźmieščanym na sajcie ambasady.

U Dziarždepartamiencie ZŠA raźličvajuć, što prahrama budzie doŭžycca 12 miesiacaŭ, na praciahu jakich udzielniki naviedajuć sieminary, treninhi va ŭsich troch bałtyjskich krainach.

Zamiežnapalityčnym viedamstvam taksama zapłanavany navučalnyja pajezdki ŭ ZŠA dla naviedvańnia redakcyj i škoł žurnalistyki, vyvučeńnie novych madelaŭ finansavańnia i pastavak jakasnaha kantentu ŭ ličbavuju epochu, raźvićcia krytyčnaha myśleńnia.

Udzielnikam prahramy z «realistyčnymi idejami rasśledvalnych prajektaŭ» abiacajuć hrašovyja premii.

Клас
0
Панылы сорам
0
Ха-ха
0
Ого
0
Сумна
0
Абуральна
0