Staršynia Dziarždumy Rasii Siarhiej Naryškin u svajoj kałoncy ŭ «Rasijskaj haziecie» pryhraziŭ ZŠA «mižnarodnym trybunałam» za «pravakacyi» i «spustašeńnie inšych dziaržaŭ» u adkaz na hałasavańnie ŭ Radzie Biaśpieki AAN pa trybunału ab krušeńni małajzijskaha «Boinha» u Danbasie.

Naryškin pačynaje tekst z razvažańniaŭ ab niebiaśpiečnaj pryrodzie žniŭnia ŭ suśvietnaj historyi, zhadvajučy pačatak Pieršaj suśvietnaj vajny, bai pamiž savieckimi i japonskimi vojskami la voziera Chasan i jadziernyja bambardziroŭki Chirasimy i Nahasaki ŭ 1945 hodzie.

Naryškin upeŭnieny, što ciapier pytańnie ab pravasudździ dla achviar minułahodniaj avijakatastrofy «napeŭna buduć naviazanyja» ŭ inšych farmatach, pakolki «rašeńnie luboha ŭzroŭniu» nibyta treba Biełamu domu ŭ metach padtrymańnia niestabilnaści i «šumichi». Niestabilnaść, u svaju čarhu, daje ZŠA «čas dla praciahu starych i pačatku novych razbojaŭ», kančatkovaj metaj jakich źjaŭlajecca «spustašeńnie» ekanamičnych bahaćciaŭ inšych dziaržaŭ.

Śpikier Dziarždumy adznačaje, što ZŠA raspalvajuć «antyrasijskija nastroi» u Jeŭropie i viaduć «prapahandu» u Radzie Biaśpieki, spasyłajučysia na kanadskaha ekśpierta pa mižnarodnamu pravu Krystafiera Błeka, jaki abaraniaŭ abvinavačanych pa spravach ab hienacydzie ŭ Ruandzie i vajnie ŭ Juhasłavii.

U kancy Naryškin praročyć praviadzieńnie «mižnarodnaha trybunała», ale nie pa krušeńnia «Boinha», pa vykładzienych vyšej «faktach» «Budzie taki trybunał, a nie jaki-niebudź inšy, - upeŭnieny aŭtar. — I my z vami — da jaho dažyviem».

Na minułym tydni Naryškin, jaki ŭznačalvaje «Rasijskaje histaryčnaje tavarystva», patrabavaŭ stvaryć mižnarodny trybunał pa atamnych bambavańniach Japonii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?