Upraŭleńniem Śledčaha kamiteta pa Minskaj vobłaści vyśviatlajucca abstaviny darožna-transpartnaha zdareńnia, u vyniku jakoha zahinuli dva čałavieki, jašče dvoje atrymali traŭmy roznaj stupieni ciažkaści, paviedamlaje pres-słužba Śledčaha kamiteta.

  sk.gov.by

sk.gov.by

Uviečary 9 žniŭnia kiroŭca lehkavoha aŭtamabila «Volva», ruchajučysia ŭ napramku Minska pablizu v. Hacuk Słuckaha rajona, ździejśniŭ najezd na łasia, jaki pierabiahaŭ darohu.

U vyniku darožna-transpartnaha zdareńnia pasažyry — mužčyna 1969 naradžeńnia, i dziaŭčyna, 1999 naradžeńnia, žychary Minska (baćka i siastra kiroŭcy mašyny), atrymaŭšy cialesnyja paškodžańni nie sumiaščalnyja z žyćciom, zahinuli na miescy. Kiroŭca 1991 hoda naradžeńnia i treci pasažyr, minčanka, 1969 hoda naradžeńnia, ź cialesnymi paškodžańniami roznaj stupieni ciažkaści špitalizavanyja ŭ miedycynskuju ŭstanovu.

Śledča-apieratyŭnaj hrupaj z udziełam śledčych upraŭleńnia Śledčaha kamiteta pa Minskaj vobłaści, supracoŭnikaŭ Dziaržaŭnaj aŭtamabilnaj inśpiekcyi, śpiecyjalistaŭ Dziaržaŭnaha kamiteta sudovych ekśpiertyz praviedzieny pilny ahlad miesca zdareńnia.

U miežach kryminalnaj spravy, zaviedzienaj pa č.3 art. 317 (parušeńnie praviłaŭ darožnaha ruchu, što paciahnuła pa nieaściarožnaści śmierć dvuch asob), dapytvajucca vidavočcy i śviedki, pryznačany šerah ekśpiertnych daśledavańniaŭ, u tym liku sudova-miedycynskija, aŭtatechničnaj ekśpiertyzy

Клас
0
Панылы сорам
0
Ха-ха
0
Ого
0
Сумна
0
Абуральна
0