U paniadziełak ranicaj načalnik Hienieralnaha štaba Ukrainy Viktar Muženka paviedamiŭ prezidentu Ukrainy ab abvastreńni situacyi na poŭdzień ad Daniecka. Pra heta paviedamiła pres-słužba Hienštaba na svajoj staroncy ŭ fejsbuku.

«Na praciahu niekalkich hadzin bajeviki, cynična parušajučy papiarednija damoŭlenaści, viali artyleryjski i minamiotny ahoń pa našych pazicyjach u rajonie Starahnataŭki», — adznačyli ŭ Hienštabie.

Parašenka ŭ adkaz daručyŭ prainfarmavać pradstaŭnikoŭ misii ABSE i, praz Sumiesny centry pa kantroli i kaardynacyi pytańniaŭ spynieńni ahniu (SCKK), pradstaŭnikoŭ Rasii ab parušeńni minskich damoŭlenaściej z boku prarasijskich sieparatystaŭ.

Raniej u štabie ATA paviedamili, što ŭ niadzielu abstrełaŭ z boku sieparatystaŭ značna bolš.

U samaabvieščanaj «DNR» abvinavačvajuć u parušeńni pieramirja ŭkrainskich vajskoŭcaŭ.

U pryvatnaści, jak paviedamlaje resurs «Danieckaj ahienctva navin» sa spasyłkaj na mera Horłaŭki, u horadzie byli razburanyja piać žyłych damoŭ z-za abstrełaŭ z boku ŭkrainskich siłavikoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?