U Minsku kiroŭca, jak miarkujecca, pad kajfam razahnaŭsia na MKAD da 200 km / h, paviedamiła staršy inśpiektar pa ahitacyi i prapahandzie adździeła DAI Centralnaha RUUS stalicy Anastasija Radźko.

Nočču, kala 2.00, 10 žniŭnia supracoŭniki adździeła DAI Centralnaha rajona padali sihnał ab spynieńni kiroŭcu aŭtamašyny «Chonda Akord», jakaja ruchałasia pa źniešnim kalcy MKAD z boku Daŭhinaŭskaha trakta ŭ napramku praśpiekta Pieramožcaŭ. Na patrabavańnie supracoŭnikaŭ DAI kiroŭca nie adreahavaŭ i praciahnuŭ ruch. Zatym jon vyjechaŭ na sustrečnuju pałasu praśpiekta Pieramožcaŭ, pajechaŭ pa vulicy Ratamskum i ŭ rajonie HC «Hrad» zbočyŭ ŭ napramku MKAD. Vyjechaŭšy na ŭnutranaje kolca, aŭtamašyna praciahnuła ruch u bok Daŭhinaŭskaha trakta.

Na nieadnarazovyja patrabavańni ab spynieńni kiroŭca nie reahavaŭ, aŭtamabil ruchaŭsia z chutkaściu kala 200 km/h. Tady da pieraśledu padklučyŭsia ekipaž śpiecyjalnaha padraździaleńnia UDAI HUUS Minharvykankama. U rajonie vulicy Sasnovy Bor kiroŭca aŭtamašyny «Chonda Akord» nie spraviŭsia z kiravańniem, vyjechaŭ za miežy prajeznaj častki i spyniŭsia, paśla čaho kiroŭca i pasažyry pasprabavali źbiehčy, ale byli zatrymanyja supracoŭnikami DAI.

Jak raspavioŭ inśpiektar ADAI Centralnaha RUUS Minska Alaksiej Alachnovič, kiroŭca 1995 hoda naradžeńnia pavodziŭ siabie nie zusim adekvatna i byŭ dastaŭleny na miedycynski ahlad.

Akramia taho, padčas pravierki dakumientaŭ u kiroŭcy była vyjaŭlenaja pozva ŭ sud pa art.328 KK Biełarusi (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ), tamu było pryniata rašeńnie pravieści ahlad transpartnaha srodku. Pravaachoŭniki na kiroŭčym siadzieńni vyjavili nievialiki polietylenavy pakiet z paraškapadobnym rečyvam biełaha koleru, a na zadnim siadzieńni - rečyva raślinnaha pachodžańnia zialonaha koleru. Rečyvy adpraŭlenyja na ekśpiertyzu.

Pasažyry aŭtamašyny, maładyja ludzi 1993, 1995 i 1996 hadoŭ naradžeńnia, taksama nakiravany na ahlad, na miesca była vyklikana śledča-apieratyŭnaja hrupa. Vyrašajecca pytańnie ab zaviadzieńni kryminalnaj spravy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?