Alaksandr Łukašenka raźličvaje, što vizit premjer-ministra Pakistana Navaza Šaryfa vyljecca ŭ stvareńnie tryvałaj bazy dvuchbakovaha supracoŭnictva. Ab hetym kiraŭnik dziaržavy zajaviŭ na sustrečy ŭ vuzkim składzie.

Alaksandr Łukašenka padziakavaŭ Navazu Šaryfu za abaviazkovaść. «My damovilisia ŭ hety dzień i ŭ hety čas sustrecca ŭ Minsku, i dziakujučy tamu, što vy ŭmiejecie trymacca svajho słova, my z vami ŭ hety dzień i ŭ hety čas sustrakajemsia ŭ Minsku», - skazaŭ biełaruski lidar.

Jon nahadaŭ, što na sustrečy ŭ Isłamabadzie baki damovilisia, što hety vizit budzie nasyčany ekanamičnymi mierapryjemstvami i vyljecca ŭ stvareńnie tryvałaj dahavorna-pravavoj bazy pamiž dziaržavami. «Tak jano i vyjšła. My majem namier pa vynikach pierahavoraŭ padpisać paŭtara dziasiatka dakumientaŭ», - skazaŭ kiraŭnik biełaruskaj dziaržavy.

Baki surjozna pracavali nad padrychtoŭkaj hetaha vizitu, adznačyŭ Łukašenka. Pakistan naviedali pradstaŭniki dziełavych kołaŭ Biełarusi, ministry, u Biełarusi pabyvali členy ŭrada Pakistana, biźniesmieny dla vyvučeńnia krainy z tym, kab paśla na vyšejšym uzroŭni byli pryniaty surjoznyja rašeńni.

«Naša pavaha da vas u Biełarusi biaźmiernaja. Vy toj palityk, jaki moža być prykładam dla luboha palityka ŭ śviecie i dla mianie ŭ tym liku. Vaša žyćcio - heta baraćba, heta imknieńnie da tych met, jakija vy stavili pierad svajoj kamandaj, pierad svajoj partyjaj, pierad svaimi kalehami. Vašamu palityčnamu žyćciu moža pazajzdrościć luby. Vy pryznany lidar narodaŭ Pakistana, i my hetak ža vas sustrakajem u Biełarusi», - skazaŭ Alaksandr Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?