Pavodle vynikaŭ pieramoŭ Alaksandra Łukašenki i premjer-ministra Pakistana Navaza Šaryfa 10 žniŭnia ŭ Minsku padpisany pakiet z paŭtara dziasiatka dakumientaŭ u śfiery mižviedamasnaha, humanitarnaha, rehijanalnaha, mižvuzaŭskaha supracoŭnictva, a taksama dahavor ab družbie i supracoŭnictvie pamiž Biełaruśsiu i Pakistanam.

Jak paviedamlaje pres-słužba prezidenta, Łukašenka adznačyŭ zadavolenaść vynikami pieramoŭ. «My abmierkavali šyroki śpiektr pytańniaŭ, jakija zakranajuć roznyja śfiery dvuchbakovych adnosinaŭ, abmianialisia mierkavańniami pa aktualnych mižnarodnych i rehijanalnych prablemach, što ŭjaŭlajuć uzajemnuju cikavaść», — skazaŭ jon. Navaz Šaryf padrabiazna prainfarmavaŭ ab situacyi ŭ rehijonie, dzie znachodzicca Pakistan, i ab toj razradcy napružanaści, jakaja adbyvajecca ŭ tym liku ŭ suviazi z namahańniami kiraŭnictva Pakistana. «My heta cenim», — skazaŭ kiraŭnik biełaruskaj dziaržavy.

 

Jon padkreśliŭ, što dla Biełarusi vielizarnaje značeńnie maje raźvićcio i pahłybleńnie palityčnaha dyjałohu pamiž dźviuma krainami, umacavańnie mižparłamienckich suviaziaŭ, handlova-ekanamičnych adnosinaŭ, a taksama pašyreńnie dahavorna-pravavoj bazy dvuchbakovaha supracoŭnictva.

 

Pavodle słoŭ Łukašenki, baki z zadavalnieńniem adznačyli supadzieńnie pazicyj pa mnohich aktualnych pytańniach mižnarodnaha paradku dnia, paćvierdzili važnaść pavyšeńnia roli AAN i jaje instytutaŭ u vyrašeńni hłabalnych pytańniaŭ zabieśpiačeńnia ŭstojlivaha raźvićcia, umacavańnia biaśpieki i stabilnaści ŭ śviecie. 

Akramia taho, paćvierdžanaja sumiesnaja hatoŭnaść da pašyreńnia supracoŭnictva ŭ śfiery baraćby z teraryzmam, ekstremizmam, nielehalnaj mihracyjaj, handlem ludźmi, transhraničnaj arhanizavanaj złačynnaściu, niezakonnym handlem zbrojaj i abarotam narkatyčnych srodkaŭ.

«U śviecie takich, jak Pakistan, hustanasielenych krain — šeść. I ŭ zaležnaści ad taho, jakaja budzie situacyja ŭ hetych dziaržavach, nakolki jany buduć stabilnyja, ad hetaha budzie zaležać klimat na našaj płaniecie. I toje, što Pakistan siońnia paśpiachova viadzie aktyŭnuju baraćbu suprać tych, chto destabilizuje stanovišča ŭ rehijonach płaniety, i na heta Pakistan pakłaŭ nie tolki vielizarnyja srodki, ale i žyćci svaich synoŭ, i pieramahaje — heta vielizarny ŭniosak u abaronu miru i stabilnaści na našaj płaniecie», — skazaŭ Łukašenka.

Pavodle jaho słoŭ, Biełaruś hatovaja surjozna abmiarkoŭvać mahčymaści ŭzajemadziejańnia ŭ realizacyi šerahu bujnych prajektaŭ u Pakistanie, udzielničać u stvareńni pakistana-kitajskaha ekanamičnaha kalidora. «My prosta abaviazanyja vykarystoŭvać patencyjał našych (i Biełarusi, i Pakistana) dobrych adnosinaŭ z Kitajem. I trochvuholnik Minsk — Piekin — Isłamabad, uličvajučy ŭzajemadapaŭnialnaść kožnaha ŭ hieahrafičnym i ekanamičnym sensie, moža stać pierśpiektyŭnaj formułaj uzajemadziejańnia», — skazaŭ biełaruski kiraŭnik.

Łukašenka ličyć, što biełaruska-pakistanskija ekanamičnyja adnosiny treba raźvivać bolš dynamična, nie abmiažoŭvacca tolki handlem, a naroščvać patencyjał vytvorčaj kaapieracyi i inviestycyj. «My dobra viedajem, što ŭ Pakistanie Biełaruś asacyjujecca pierš za ŭsio z adnajmiennym traktaram, hetaj mašynaj, u jakoj vielmi maje patrebu Pakistan, a potym užo — z krainaj. Na praciahu mnohich hadoŭ nam dobra viadomyja pakistanski rys, tekstyl, inšyja tavary», — adznačyŭ kiraŭnik dziaržavy. 

U svaju čarhu Navaz Šaryf zajaviŭ, što ŭ Pakistanie vielmi ciopła ŭspryniali niadaŭni vizit Alaksandra Łukašenki. «Vy pakłali pačatak družbie pamiž našymi krainami, i siońnia my razhladajem naš vizit jak praciah i dalejšaje ŭmacavańnie našaj družby», — skazaŭ jon, źviartajučysia da biełaruskaha kiraŭnika.

Premjer-ministr Pakistana zaprasiŭ Łukašenku jašče raz naviedać jaho krainu. «Ciapier, kali našy adnosiny stanoviacca ŭsio bolš mocnymi, ja miarkuju, što nam treba čaściej sustrakacca», — ličyć Šaryf.

Paśla zakančeńnia pieramoŭ adbyŭsia aficyjny abied ad imia prezidenta Biełarusi ŭ honar premjer-ministra Pakistana. Navaz Šaryf taksama pasadziŭ dreva na Alei hanarovych haściej Pałaca Niezaležnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?