U niadzielu, 9 žniŭnia, u Minsku raptoŭna pamior viadomy opierny śpiavak Aleh Hardyniec. Jamu było ŭsiaho 53 hady. Pa słovach daktaroŭ, pryčynaj śmierci stała sardečnaja niedastatkovaść.

Vypusknik Biełaruskaj dziaržaŭnaj kansiervatoryi, łaŭreat Nacyjanalnaha konkursu vakalistaŭ imia Ł.P. Aleksandroŭskaj, łaŭreat Mižnarodnaha konkursu imia F. Šalapina Aleh Hardyniec pravioŭ na scenie bolš za tryccać hadoŭ.

Z 1989 hoda śpiavak byŭ viadomy jak salist Nacyjanalnaha akademičnaha vialikaha teatra opiery i baleta Respubliki Biełaruś. «Čaroŭnaja flejta», «Don Žuan», «Bahiema», «Nabuka», «Sievilski cyrulnik», «Barys Hadunoŭ», «Pikavaja dama» — siońnia składana i pieraličyć usie teatralnyja pastanoŭki, pa jakich Aleh Hardyniec zapomniŭsia svaim hledačam.

U kancertach Biełaruskaj dziaržaŭnaj fiłarmonii śpiavak vykonvaŭ «Rekvijem» Dž. Vierdzi, V. A. Mocarta, «Niamiecki rekvijem» I. Bramsa, «Stabat mater» Dž. Rasini, «Zvany» S. Rachmaninava.

U 1993 hodzie, naviedvajučy niamiecki Hamburh, jon vykanaŭ partyju basa-soła ŭ «Rekvijemie» A. Dvoržaka.

Z trupaj Biełaruskaj opiery śpiavak abjechaŭ paŭśvietu. Vystupaŭ u Hiermanii, Ispanii, Kipry, Partuhalii, Šviejcaryi. Niahledziačy na svoj talent, jaki moh być zapatrabavany ŭ lubym punkcie płaniety, śpiavak padkreślivaŭ:

«Ja lublu svaju ziamlu … Usim kažu, što ŭ Minsku naradziŭsia, tut i pamru».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?