Jak paviedamlaje sajt jews.by, na pasiadžeńni ŭrada Izraila 4 žniŭnia była padtrymana prapanova premjer-ministra Bińjamina Nietańjachu ab likvidacyi vaśmi dypłamatyčnych pradstaŭnictvaŭ u suviazi sa skaračeńniem vydatkaŭ, u tym liku pasolstva Izraila ŭ Biełarusi. 

Pasolstva Izraila ŭ Biełarusi «ciapier nie daje aficyjnych kamientaraŭ na paviedamleńni, jakija źjavilisia ŭ ŚMI».

«Pakul aficyjnych zajaŭ ad izrailskaha MZS nie źjaviłasia», — paviedamili BiełaPAN u izrailskim dyppradstaŭnictvie. 

Pasolstva Izraila ŭ Biełarusi ŭžo zakryvałasia ŭ 2002 hodzie, i taksama ŭ metach ekanomii biudžetnych srodkaŭ. Asnoŭnyja konsulskija pasłuhi hramadzianam Biełarusi tady akazvała izrailskaje pasolstva ŭ Maskvie. U 2005 hodzie dyppradstaŭnictva Izraila poŭnaściu adnaviła svaju pracu ŭ Minsku. 

Varta adznačyć, što 19 vieraśnia 2014 hoda Biełaruś i Izrail padpisali mižuradavaje pahadnieńnie ab admienie viz. Biełaruski bok vykanaŭ usie ŭnutrydziaržaŭnyja pracedury dla taho, kab pahadnieńnie nabyło moc. Ministr unutranych spraŭ Izraila Silvan Šałom padpisaŭ ukaz ab ablahčeńni vizavaha režymu ź Biełaruśsiu 29 červienia 2015 hoda. Heta pieršy z etapaŭ pasłableńnia vizavaha režymu pamiž dźviuma krainami. Nastupnym etapam pavinna stać zaćviardžeńnie rašeńnia ab biaźvizavych pajezdkach hałasavańniem u kniesiecie Izraila, paśla čaho praz 90 dzion biaźvizavy režym ź Biełaruśsiu pačnie pracavać aŭtamatyčna.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?