Kiraŭnik Biełaruskaj pravasłaŭnaj carkvy, mitrapalit Minski i Zasłaŭski Pavieł, patryjaršy ekzarch usiaje Biełarusi, udzielničaje va ŭračystaściach z nahody 90-hodździa ŭtvareńnia i 25-hodździa adradžeńnia Homielskaj jeparchii.

Kiraŭnik BPC prybyŭ u abłasny centr i ŭznačaliŭ śviatočnuju liturhiju ŭ Śviata-Pietrapaŭłaŭskim kafiedralnym sabory. Darohu ad uvachodu ŭ pałacava-parkavy ansambl da sabora miascovyja vierniki vysłali šmatmietrovym dyvanom z žyvych kvietak. 

Jak paviedamiŭ BiełaPAN kiraŭnik infarmacyjnaha adździeła Homielskaj jeparchii protaijerej Aleh Kastrama, kvietki dla dyvana prynosili prychadžanie sabora, jany ž i składali z bukietaŭ dyvan.

Protaijerej rastłumačyŭ, što malunak u centry dyvana — simvał arła. Zhodna ź biblejskaj simvolikaj, aroł słužyć uvasableńniem božaj lubovi, siły i mocy, junactva i badzioraści duchu.

Arnamientalna stylizavanyja arły — typovaja detal upryhažeńnia siaredniaviečnych chramaŭ, a taksama liturhičnaha adzieńnia i pradmietaŭ. 

Vyściłać pierad mitrapalitami dyvany z žyvych kvietak — tradycyja pravasłaŭnaj carkvy. Da prykładu, u Viciebsku minułaha kiraŭnika BPC Fiłareta sustrakali dyvanom ź biełych kał. U Homieli taksama padčas pryjezdu ŭładyki Fiłareta ŭ 2012 hodzie vyściłali dyvan z kvietak, praŭda, bolš ścipły.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?