Piersieidy nad Kalifornijaj. Fota: Kenneth Brandon, 2013

Piersieidy nad Kalifornijaj. Fota: Kenneth Brandon, 2013

Mieteorny patok Piersieidy budzie dobra bačny ŭ noč z 12 na 13 žniŭnia. Niaŭzbrojenym vokam na načnym niebie možna zaŭvažyć źnički z boku suzorja Piersieja — čaścinki kamiety Śvifta-Tatła.

Šancy pabačyć Piersieidy jość z druhoj pałovy lipienia da amal kanca žniŭnia, ale pik prypadaje na 12—13 žniŭnia. NASA prahnazuje ŭ hetuju noč da 100 mieteoraŭ na hadzinu. 

Start samaha aktyŭnaha «šoŭ» čakajecca ŭ 20:40 pa minskim časie. Praŭda, jakraz u hety momant sonca tolki budzie zachodzić — varta troški pačakać, kab pabačyć «zorny doždž». A tam možna i narabić čaroŭnyja zdymki — raptam pašancuje na takija fota, jakija robić fatohraf Viktar Małyščyc.

Nazirać za zornym niebam lepiej dalej ad vialikich haradoŭ. Na ščaście, Biełaruś — biełaja plama na mapie śvietłavoha zabrudžańnia, tamu ad haradskoha śviatła ŭ nas jość kudy ŭciačy

Dy nie prymajcie ŭsio, što padaje ź nieba, za Piersieidy: dackaha fatohrafa Albierta Drosa «patroliła» Mižnarodnaja kaśmičnaja stancyja. Jana ŭlezła ŭ kadr, kali Dros chacieŭ zrabić fota na fonie «zorapadu». Ci padstupnaja MKS ničoha nie sapsavała?

MKS maskirujecca pad Piersieidy. Fota: Albert Dros, 2015

MKS maskirujecca pad Piersieidy. Fota: Albert Dros, 2015

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?