Lohka trapić na płatnaje budučym nastaŭnikam ruskaj i biełaruskaj movy sioleta možna było ŭ BDPU imia Maksima Tanka. Zaličvali ŭsich, chto padaŭ dakumienty i ŭsio adno niedabrali 14 čałaviek.

Taksama ŭsich žadajučych uziali na fakultet estetyčnaj adukacyi ŭ hetaj VNU. Navučańnie ŭ BDPU paśla padaražańnia abydziecca pieršakurśnikam u 15-17 miljonaŭ na hod.

«Całkam zakryli inžyniernyja śpiecyjalnaści, ale niedabrali na ekanamičnyja. I bały ŭ hetym hodzie ŭ płatnikaŭ vyšejšyja, čym u minułym», — radujucca ŭ pryjomnaj kamisii ahrarna-techničnaha ŭniviersiteta.

Niahledziačy na dadatkovy nabor, u hetaj VNU 20 studentaŭ-płatnikaŭ nie chapiła, kab zakryć usie miescy. Budučyja menadžary ŭ ahrarna-techničny mahli pastupić sa 107 bałami z 400 mahčymych, a mietrołahi nabrać 88 i prajści na płatnaje. Ale letaś było jašče horš.

Paŭsotni čałaviek na płatnym niedaličvajecca Nacyjanalny techničny ŭniviersitet. Dla abjomaŭ hetaha VNU takaja kolkaść — heta niašmat.

«Praktyčna ŭsich nabrali. Prachadnyja bały amal takija ž jak i ciapier, ničoha asabliva nie źmianiłasia», — aceńvajuć u pryjomnaj kamisii.

Prachadnyja bały nievysokija: ad 107 na mašynabudaŭnictvie da 238 na architekturnym dyzajnie. A navučańnie kaštuje ad 19 da 20 miljonaŭ za pieršy hod.

Miedycynski ŭniviersitet u Minsku nabraŭ usich studentaŭ-płatnikaŭ. Prytym, što tut adukacyja adna z samych darahich — da 23 miljonaŭ za pieršy hod navučańnia.

Najmienš paščaściła pryvatnym VNU. Instytut parłamientaryzmu i pradprymalnictva, naprykład, nie budzie sioleta vučyć pieršakurśnikaŭ na dzionnym, tolki na zavočcy.

«My nabrali zusim mała pieršakurśnikaŭ i vyrašyli raspuścić, bo nierentabielna. A na zavočnym hrupy dobryja nabrali», — paviedamlajuć va ŭniviersitecie. I zapeŭnivajuć, što zakryvacca pakul nie płanujuć. 

Hod navučańnia na zavočnym budzie kaštavać pieršakurśniku 6,7 miljona.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?